4 month old infant with bilateral inguinoscrotal swelling (hernia) complaining of vomiting constipation and abdominal distension.history of prematurity and incubation for 1 month.his weight now 3.400 Kg.x ray abdomen erect position suggestive of obstruction

عندما يكون الطبيب جاهلا

كلنا نعلم أننا الأن في موسم البرونكيوليتس bronchiolitis .جائتني حاله لرضيع عمر شهرين يعاني من كحه وصعوبه في التنفس.الحاله من الواضح جدا أنها برونكيوليتس ولكن الأهل قالوا لي كشفنا من يومين و العلاج مجابش نتيجه قلت في سري عادي الدور ده غلس وبيغيب شويه
أعطاني الأهل الروشته لأري العلاج.لكوا أن تتخيلوا ماذا وجدت في الروشيته balkis syrup , babyrelief 12.5,duricef 125 susp . المشكله في التسرع طبيب حديث التخرج لا يفكر في العلم وبفكر في جمع المال فيقوم بفتح عياده في منطقه نائيه والضحيه الأطفال المساكين.

مأساه

جائني اليوم أب و أم مبتسمين سعيدين جدا ولا أدري لماذا.تحمل الأم صغيرها ووضعته علي سرير الكشف وقالت "روحت أطعمه قالولي عنده نسبه صفرا ولازم تكشفي عليه" .طلبت من الأم تعريه الطفل وهالني ما رأيت .لم أري في حياتي صفراء بهذه الدرجه من أول الرأس وحتي وأطراف أصابع قدمه.نظرت لهما مشفقا وطلبت تحليل لنسبه الصفراء في الدم علما بأني متوقع النسبه.فقال لي الأب "لازم التحليل يا دكتور مينفعش ياخد دوا؟" قلت له التحليل لابد منه نظرا لنسبه الصفراء التي تبدوا مرتفعه" .ذهب الأهل لعمل التحليل و أتصلت بالمعمل ليسرع بالنتيجه.وبعد مرور ساعه أتصل بي المعمل ليبلغني بالنتيجه "التوتال 28 يا دكتور و الديركت 1.5".يا لله كنت أتمني أن أكون علي خطأ ولكن للأسف.عاد الأهل لي بالتحليل وقمت بتحويلهم لمستشفي الشاطبي الجامعي لتبدأ المأساه التي لن يشعوروا بها الأن.كان لله في عونهم

ليس الأمر بهذا السوء

مرحبا بكم من جديد.لم أعد أفكر في الدراسات العليا بعد الأن.لا يوجد تشجيع من جانب أي أحد.الحمد لله بدأت العياده في العمل وأصبحت لا أقراء الا لو صادفتي حاله محيره.البحث علي الأنترنت ومطالعه مواقع طب الأطفال هي الشي الوحيد حتي لا أنسي كل ما تعلمته.فالعمل وسط أطباء لا يجيدون سوي أعطاء السيفوتكس والنوفالجين لنزلات البرد هو أمر صعب حقا.أحاول أن أجمع ما بين شغل السوق و العلم الذي تعلمته حتي لا أظلم أحدا.سأحكي لكم لاجقا نوادر الحالات و الروشتات التي تقع في يدي من قبل جهابذه طب الأطفال في مدينتي.أبقوا معنا أو أوعوا تروحوا في أي حته

طبعا كلوكوا عرفتوا مؤامره الوزاره لمنعي من التسجيل لماجستير أطفال .عموما أن أتخذت قرار أني مش حسجل أي حاجه وليس في الأمكان أحسن مما كان.وعلي المتضرر السفر للخارج لو عاوز يفلح.أسيبكوا بقي علي شان في حاله في العياده بلا دراسه بلا نيله

مرحبا بكم من جديد

مش عارف ليه بتعامل مع المدونه دي كأني بكتب مذكراتي أو وسيله علي شان أطلع الي جوايا والي بفكر فيه.
انا دلوقتي في العياده وقربت اقفل وبفكر في التقديم للماجستير و الشيطان الي جوايا بيقولي "يا عم ماجستير مين ورساله و قرف ودكتور يطلع عينك ثم أنت حتعمل بيها ايه .ما أديك أهو فاتح العياده و العمليه كل يوم في تحسن,كبر يا عم بقي يعني الي خدوا الماستر عملوا بيه ايه" ترد عليه روح الطموح الي لسه بقيا جوايه " لا متنساش هدفك انت نفسك طول عمرك تعمل ماجستير و دكتوره أو تاخد زماله,هو الي أخدها أحسن منك في أيه ومفيش حد بيحقق كل الي نفسه فيه بالساهل" يقوم الشيطان الي جوايا يرد عليه و يقول " ياعم انت فاضي تذاكر خلاص مبقاش ينفع انت متجوز و عندك عيللين شوف مستقبلهم أحسن بلا علم بلا وقرف يعني حتكتشف الذره,أنت أخرك طبيب ريف لا أنتا شغال في الجامعه ولا في مستشفيات كبيره " ترد روح الطموح و تقول "لا ياس مع الحياه ولا حياه مع اليأس"
مش عارف بص الصراحه أتخنقت منهم هما الأتنين وشكلي كده حقفل العياده وأطلع أجلس مع العائله الكريمه.ونخلي الحكم بعد المداوله

تسجيل الماجستير

أنا لسه جاي من المديريه ومعندهمش اي خبر عن التسجيل وعلي كلام الموظفه الي كانت بتكلمني وهي مشغوله بتناول سندوتش فول ان لسه الأشاره مجتش من الوزاره "ياحلاوه" ماعلينا.ونوافيكم بكل جديد.

طب الأطفال وقله الحيله

انا سافرت النهارده لعين شمس علي شان أستلم شهادات الدبلوم الي كنت مقدم عليها.ومستني حركه الدراسات العليا بتاعت شهر 4 علي شان أقدم ماجستير .مش عارف حتنحس معايا في ايه المره دي وممكن أترفض علي شان أيه.المره دي مقدم رسمي تبع الوزاره ومقدم بدبلوم تقدير جيد يعني المفروض يقبلوني لو عندهم دم.دكاتره كتير معايا في المستشفي بيقولولي انت حتقدم علي ماجستير ليه وحتعمل بيه أيه, بصراحه سؤال منطقي انا مش محتاج أققدم ماجستير بس حلمي ان أناقش رساله وتتصور فيديو والحاجات الي كنت بشوفها ايام الامتياز.غير طبعا ذي ماكلوكوا عارفين الواحد مبيذكرش بتركيز غير لما يكون وراه أمتحان.علي فكره وانا في عين شمس أشتريت كتاب رائع جدا وأنصحكم أنكم تقراو منه وهو current pediatric diagnosis and treatment 19editionكتاب سلس ومعلوماتوا مركزه و النسخه الاصليه 120 جنيه و المتصور 60 جنيه.بس المشكله انا العلاج فيه جايدلاين من American pediatric association يعني حيكون فيه أختلاف في العلاج لو الواحد بيذاكر للزماله البريطانيه.مش عارف ليه بديت أتخنق من الزماله البريطانيه كل دراستنا أيام الكليه ومراجعنا أمريكيه ودلوقتني عوزيز نعمل دماغ طب أطفال أنجليزي هو صحيح المعلومات قد تكون واحده بس الاختلافات في العلاجات وكده.لسه بفكر مش عارف أعمل ايه بس عموما كله حيبان لما أقدم علي الماجستير وأشوف حتقبل ولا لأ.

تبلد الاحساس

مش عارف ليه اليومين دول بقيت متبلد الأحساس من ناحيه شغل الحكومه مش فارقه معايا يذودوا المرتب ولا يلغوه خالص وحتي في المستشفي مبقيتش فارقه معايا يشطبوا عليا ولا يمضولي بقي كل تفكري في العياده بتاعتي وأن ربنا يكرمني فيها.مبقتش أذاكر ذي الاول للزماله البريطانيه وحتي شهر 4 الي كنت عاوزه يجي بسرعه علي شان أقدم للماجستير أهو فضلوا كام يوم وعمال أفكر بيني وبين نفسي الماجستير حيعملك أيه وحتي لوخت الزماله البريطانيه حتعمل بيها أيه كده كده أنت مش بتفكر تسافر.مش عارف ليه بقيت متبلد كده يارب تكون فتره وتعدي لأني عندي طموح كبير لسه معملتش منه حاجه.ربنا يخليلنا وزاره الصحه والي انا شايف انها العقبه الوحيده في طريق الدراسات العليا للاطباء.علي فكره العياده بدأئت تشتغل مش وحش و الريت بدا يزيد "مش عاوز نق مش للدرجه الي في دماغكم"

طبيب الأطفال و النحس الجزء الثاني

أتصل بي أحد الأطباء طالبا مني عدم الذهاب للتحقيق باكر وأن أذهب للمستشفي أولا لأنه لا يوجد طبيب أطفال في هذا اليوم غيري وأن أعمل بعياده الأطفال حتي 12 ظهرا وأذهب للتحقيق بعد ذلك .وده كلام مدير المستشفي وأستغربت أن يقوم مدير المستشفي بتوصيل تلك المعلومه لي عن طريق زميل قلت في سري ماكان يتصل هو بيا بدل ميخلي حد تاني يقولي.المهم فعلا ذهبت للمستشفي ومشيت الساعه 12 ظهر وتوجهت للاداره و رحت الشئون القانونيه لاجد مذكره مكتوبه فيا من مدير المستشفي و في أخر المذكره مكتوب "برجاء أتخاذ اللازم تجاه الطبيب الغير متعاون حيث أن المستشفي ليست بحاجه اليه حيث يوجد لدينا عدد كافي من الأطفاء في الفتره الحاليه" طبعا بقيت مذهول من مدير المستشفي بقي بيعمل فيا مذكره كامله وطالب نقلي علي شان قصه استمارات IMCI أدليت بأقوالي في التحقيق وطلبت نقلي بناء علي رغبه السيد مدير المستشفي.وحكيت لزمايلي في المستشفي علي المذكره بقوا مذهولين ومش مصدقين .قلت في سري يالا مش فارقه .يمر أسبوع وأفاجئ بنقل 2 طبيب تكليف من المستشفي للعمل بوحدات صحيه و المدير يطلب مني أشيل نوباتجيه يوم في الأسبوع بزمتكوا لو أنتوا مكاني تعملوا ايه؟ مع العلم عنده طبيب مقيم طب أسره بيجي يومين بس في الأسبوع ومبيشلش ولا نوباتجيه و طبيب ممارس عام بيجي يومين و مبيشلش ولا نوباتجيه.سايب دول وجايلي علي شان أشيل نوباتجيه.الراجل ده شكلي حرتكب فيه جنايه

مرحبا بكم من جديد مع طبيب الاطفال و النحس الأذلي

لم أكتب في مدونتي منذ فتره طويله,يمكن ملل , زهق أو مش لاقي حاجه أكتبها بس قلت أكتب الجديد الي حصل في حياتي
طبعا كلكم عرفين أني فتحت عياده منذ 5 شهور .مازال الريت ضعيف بس ده المتوقع لان البلد الي انا فاتح فيها بها حوالي عشره أطباء اطفال خير الجي بي الي بيشتغلوا أطفال.الحياه كانت بدت تتظبط معايا وقدرت انقل من الوحده لما الدكتور الجديد جه وقدمت طلب نقل لمدير الاداره ووافق!!! اتصوروا!!!.ووداني لمستشفي تكامل تبعد 15 كيلو عن البلد الي انا فيها (كويس اني معايا عربيه) وبقيت أروح 3 أيام في الأسبوع ومن غير ما أخد نوباتجيات وتقريبا أخري في اليوم أكشف علي 10-15 حاله وأروح .بالنسبه للزماله خلصت الجلديه و شغال دلوقتي في الريسبيراتوري و قربت أخلص الورق بتاعه والحياه ماشيه ذي الفل.لكن عصبيتي الزائده خلتني في يوم أشد مع مدير المستشفي وححكلكم علي الموقف.
نهار خارجي في فناء المستشفي أقف مع المدير و أحد الأطباء نتحدث وكنت أشعر بالضيق لاني جعلت أحد الاطباء يقيس لي الضغط لاجده 130-90 تقترب ممرضه الاطفال منا
الممرضه موجه كلامها لي : يادكتور انت مش حتعمل أستمارات الأطفال (قصدها الاستماره الملعونه بتاعت IMCI)
أنا :بقلك ايه فكك من الكلام الفاضي ده انا مش عاملها لا أنت مدربه عليه ولا حتي في أدويه
الممرضه سكتت و مشت
واصلنا النقاش انا و المدير و الطبيب الاخر و عدي اليوم عادي خالص و بعد مرور أسبوع
وجدت أستدعاء للتحقيق نظرا لأمتناعي عن عمل أستمارات الرعايه المتكامله للطفل المريض
علما بأني بعد مقلت للمرضه اني مش حكتبها من تاني يوم لوحدي كده عملت الأستمارات لاني قلت كده في ساعه ضيق
المهم توجهت للتحقيق في اليوم المحدد بعد أن استاذنت من المدير بأنني سأتاخر عن الحضور في هذا اليوم من اجل التحقيق